✅ Mashg‘ulot “Qizilqum fosforit kompleksi” MChJ, FVV Navoiy viloyat boshqarmasi, Konimex tuman IIB, Shoshilinch tez tibbiy yordam Konimex tuman birlashmasi bilan hamkorlikda olib borildi. Mashg‘ulot “Qizilqum fosforit kompleksi” MChJga qarashli “Tashkura” karyerida zilzila oqibatida yuzaga kelgan favqulotda vaziyatlarda to‘g‘ri harakat qilish va uni bartaraf etishga bag‘ishlandi.
📜 Mashg‘ulot komissiya a’zolarini korxona faoliyati, o‘quv dasturi va favqulotda holat joyini tanishtirish bilan boshlandi.
🔺 Shundan so‘ng zilzila oqibatida “Tashkura” karyerining janubiy-g‘arbiy qismidagi pog‘onaning yuqori 288,5 m gorizontidan tog‘ jinslari o‘pirilib pog‘onaning quyi qismida harakatlanayotgan vaxta avtobusi, avtobus haydovchisi va avtobus salonida bo‘lgan ishchi-xodimlar ustiga qulab tushgani va ko‘chkilar ostida qolgan ishchilarni qutqarish amaliyoti bajarildi.



