KUN QAHRAMONI
“Kun qahramoni” loyihamizning bugungi qahramoni uzoq yillik tajribaga ega, yoshligidan qo‘li qora moy bilan pishigan, yelkasi halol mehnatdan qadoqlangan, ko‘plab yosh mutaxassislarning ilk ustozi sifatida ko‘rilgan Jo‘ra To‘rayev.
✅ Jo‘ra To‘rayev “Qizilqum fosforit kompleksi” MChJning Fosforit konsentrati ishlab chiqarish sexida 23 yildan buyon ta’mirlovchi chilangari va hozirda smena brigadiri bo‘lib faoliyat yuritib kelmoqda. U texnikani his qilib, har bir ishga mas’uliyat bilan yondashishga harakat qiladi.
👨👦👦Usta hozirda oilali, 3 nafar farzandning otasi, 2 nafar nabiraning sevimli bobojonisi.
💬 J.To‘rayev yosh mutaxassislarga vaqt oliy hakam ekanligini, undan unumli foydalangan holda tanlagan ishining haqiqiy ustasi bo‘lish uchun harakat qilish kerakligini aytadi. “Qalbing Ollohda, qo‘ling mehnatda bo‘lsin” hikmatiga qattiq amal qiladi.
20.06.2024 y
