Коррупцияга қарши курашда ННТлар учун 10 миллиард сўм ажратилади
Бугунги йиғилишда давлат раҳбари жуда аниқ бир ҳақиқатни таъкидлади: коррупцияга қарши кураш – умуммиллий вазифа, ҳар бир фуқаронинг виждон иши.
Бунда нодавлат ташкилотларининг ўрни катта. Улар мустақил мониторинг ўтказиш, давлат идораларининг очиқлиги ва ҳисобдорлигини таъминлаш, жамоатчилик фикрини шакллантириш орқали коррупцияга қарши курашни янги босқичга олиб чиқади.
Бундан ташқари, давлат коррупцияга қарши курашда жамоатчиликни фаол жалб қилиш учун амалий қадам ташлаяпти. Ҳар йили 10 миллиард сўм маблағ ажратилиб, фуқаролик жамияти ташаббуслари қўллаб-қувватланади. Бу эса коррупцияга қарши назорат фақат расмий идоралар эмас, балки бутун жамият томонидан олиб бориладиган тизимга айланишини англатади.
Агар биз коррупцияга қарши ҳақиқий натижага эришмоқчи бўлсак, бу курашда бефарқ қолиш мумкин эмас. Ҳар биримиз ўз жойимизда адолат ва ҳалолликни тарғиб қилишимиз, жамиятда муросасизлик муҳитини шакллантиришимиз шарт.
Орқага йўл йўқ – фақат ҳалоллик, фақат шаффофлик