“Qizilqum fosforit kompleksi” MChJ da ishlab chiqariladigan fosforit uni kulrang yoki kulrang-jigarrang rangli, hidsiz mayda kukun hisoblanadi. Gigroskopik emas, yaxshi tarqaladi. Agar atmosfera yog‘inlari kirmasa, fosforit uni uzoq muddatli saqlanish vaqtida fizik va kimyoviy xususiyatlarini yo‘qotmaydi hamda xavfli xususiyatlarni paydo qilmaydi. O‘g‘it suvda erimaydi, toksik emas. “Qizilqum Fosforit Kompleksi” MChJ da 3 xil turdagi fosforit uni ishlab chiqariladi: 16%, 21% va 26%. Fosforit uni ekologik toza mahsulot bo‘lib, uning tarkibida fosfor oksidi, kaltsiy oksidi, magniy oksidi kimyoviy birikmalari mavjud. Shuningdek, uning tarkibida o‘simliklarning o‘sishi va rivojlanishi uchun zarur elementlar majmuasi: oltingugurt oksidi, temir oksidi, mis oksidi, rux oksidi va alyuminiy oksidi kabi birikmalar ham mavjud. Fosforit unudan foydalanish tuproqning sho‘rlashishiga to‘sqinlik qiladi.